30/11-25

Næmingarnir hava nú avgjørt, at leikurin fer fram í 1950´unum  Tí skal pallur og búnar endurspegla hetta tíðarskeiðið í mest møguligan mun. 

Búnar:

Skúlagentur: Sokkabuksir og niðurdeil, føroyska troyggju (kann eisini vera opin) flættur í hárinum/sloyfur.

Skúladreingir: Shorts/jorts, føroyska troyggju, slick hár til síðuna um møguligt.

Vættrar: Sokkabuksur grønar, gráar, svartar, hvítar (reyðan niðurdeil hava vit í skúlanum)  eina stríputa blusu ella eina einslitta blusu. Ullintar hosur, helst eitt sindur langar. Nissuhúgvu.

Vættraabbi: Smekkubuksir (púta til búk) skjúrta innanfyri. Ullintar hosur, helst eitt sindur langar. Brillur (um onkur eigur ein parykk, har tað sær út, sum mann er skallutur er tað eisini gott) Nissuhúgvu.

Vættraomma: Niðurdeil, blusa og opna føroyskatroyggju ella kardigan. Brillur og hálsiband. Ullintar hosur. Nissuhúgvu.

Vættrapápi: Buksir, skjúrta og vestur. Ullintar hosur, helst eitt sindur langar. Møguliga brillur. Nissuhúgvu.

Vættramamma: Niðurdeilur, blusa og opna føroyska troyggju ella kardigan. Ullintar hosur, helst eitt sindur langar. Møguliga brillur. Nissuhúgvu.

Lærarin: Buksur, skjúrta og klædningsjakki. Skógvar. Brillur og gamla skúlatasku og matpakka. Slickhár til síðuna.

Pallur:

Á pallinum hava vit brúk fyri eini grønari talvu í skúlastovuni. Á vættraloftinum skulu vit brúka eitt gamalt borð, stólar, teppi, eini kistu, gamlar bøkur, eina gamla standilampu og lanternir við stearinljósum. Onnur hugskot vælkomin.

So um tit liggja inni við onkrum av hesum, ella vita, hvar vit kunnu skaffa hetta til láns, so siga vit stóra takk:)

4/12-25

Lærið tykkum hendan uttanat, sum skjótast.

Santa Lucia sangur 

1) Køvandi myrk er nátt, 
lurta, hoyr sangin. 
Missir tú mál og mátt, 
ljóð sum av veingjum. 
Tá inn um duragátt 
stígur á hesi nátt 
Santa Lucia, Santa Lucia. 
 

2) Náttin er myrk og long 
stilli um tún og garð 
alt liggur deytt og kvirt 
skuggar um djúpan dal. 
Tá inn um durin vár 
stígur við ljós í hár 
Santa Lucia, Santa Lucia. 

17/11 Jólaleikur!

Í ár fara vit at spæla hugnaliga og skemtiliga jólaleikin Eingin jólafrítið-men! Framførslan fyri foreldur og skúla verður uml. 14.-17. des, so vit hava nóg mikið at gera.

Øll hava fingið ein leiklut, sum vit sjálvsagt venja í skúlanum, men tað er ikki nóg mikið. "Replikkirnar" mugu lærast uttanat, tískil má eisini lesast og lærast heima. Kanska fleiri familjulimir vilja hjálpa við hesum. Hetta verður m.a. heimaarbeiðið í føroyskum eina tíð framyvir. Tá ið vit duga replikkirnar uttanat fara vit at leggja rørslur og dramatikk í.

Lærið tykkum fyrst 1. og 2. part og síðani hinar.

29/10

Hey tit foreldur!
Líka ein kunning um, hvat eg havi tosað við flokkin um.
Tað er fleiri (serliga gentur) sum antin ongan matpakka hava við ella sníkja seg undan at eta hann. (Nøkur sníkja seg tó at eta hann í tímunum-og tað er heldur ikki í lagi). Í staðin, fara hesi beint í fríkorter, tá ið mattímin er.

Eg havi tosað við næmingarnir um, at heilin og kroppurin hevur brúk fyri "brennievni" fyri at orka at læra og arbeiða ein langan skúladag. Síðani havi eg eisini sagt, at tá ið mattímin er skulu 10-15 min. brúkast í stovuni saman við restini av flokkinum, áðrenn mann sleppur í fríkorter, (hetta fríkorterið er 15-20 min. afturat mattímanum). Tvs. at tað loysir seg ikki at sníkja seg at eta matpakkan í tímunum fram til matfríkorterið.

Vónandi eru tit samd í hesum, og tað hevði verið deiligt, um tit kundu tosa við næmingarnar um týdningin av einum góðum matpakka.
Takk fyri tit.

Annars hevur leiðslan avgjørt, at 7.flokkarnir, saman við restini av framhaldsdeildini, etur matpakkan í floksstovuni hvønn dag frá nú av.