Samband:

Joan: 212980

Rógvi: 256146

Lesi/rokniskeið.

Glyvra skúli fer at hava lesi/rokniskeið frá mánadegnum 20. apríl til og við hósdagin 30. apríl.

Tímatalvan er tann sama. Flokkurin verður býttur í helvt, og hesar dagarnar hava vit bara føroyskt og støddfrøði. Joan hevur helvtina í føroyskum, ímeðan Rógvi hevur støddfrøði við hinari helvtini, so skifta vit um.

Hvussu sær tímin út í føroyskum:

• Finka lesibókin (15 min.)
• Næmingarnir lesa bókina "Jákup hevur føðingardag" og gera uppgávur. Endamálið er at lesa og skilja tekst (15 min.)
• Vinarlesing. Børnini lesa saman tvey og tvey. Skiftast um at lesa bókina. Tá bókin er liðug, fáa tey "rætt/skeivt" spurningar, so vit síggja, um tey skilja, tað sum tey lesa (15 min.)
• Frílesing. Næmingarnir lesa sjálvir. Tá bókin er liðug, skulu tey heilt stutt greiða mær frá, hvat bókin er um (15 min.)

Hvat skulu næmingarnir gera heima:

• Finka lesibókin. Snarlesing. Les síðuna 3 ferðir, og tak tíð hvørja ferð. Skriva tíðirnar á "post-it" lepan. Eg taki lepan inn í skúlanum, og vit hyggja eftir tíðunum.
• Frílesing. Les hart minst 12 min. Tá bókin er liðug, skalt tú siga mær frá innihaldinum. Tú venur teg heima. Endamálið er at lesa nógv, og skilja tekstin:)

Vit hava sera góðar royndir av lesiskeiðnum. Tað er sera týdningarmikið, at heimasetningurin verður gjørdur til hvønn dag.

Næmingarnir kunnu taka pútu/teppi við í skúla. Tað skal vera gott og hugnaligt at lesa.

Góðan lesihug.

Bókalummin

Bókalummin er eyka lestnaður. Er ein bók í lummanum, skal hon lesast eina ferð og síðani skulu uppgávur gerast, um uppgávur eru við. 

Tað er sera týdningarmikið, at teksturin verður lisin hart. Eg seti tíð á í heimasetninginum, men mann kann sjálvandi lesa meira:-) Tá ið bókin er lisin og uppgávurnar gjørdar, geva næmingarnir mær bókalumman og eg leggi nýtt tilfar í. Nú seta vit ordiliga ferð á lesingina.

Góðan lesihug:)

Hvussu kunnu vit vera ein góður 2.b.

Floksreglar:

• Vit hjálpa
• Vit lova uppí
• Vit bjóða uppí
• Vit gera ikki fortreð
• Vit skulu vera ein góður floksvinur
• Vit skulu ikki arga
• Vit tosa pent við hvønn annan
• Vit siga "orsaka"
• Vit í 1.b eru góð við øll:)

Hesar floksreglar komu tey sjálvi fram til, tá ið vit høvdu evnisdagar um trivnað. Vit mugu øll hjálpa til, so vit klára at halda reglarnar:)

Avtalur:

Føðingardagar: Gentur bjóða gentum, og dreingir bjóða dreingjum. Um mann hevur hug, kann mann eisini bjóða øllum flokkinum. Føðingardagsgáva - 20kr.

Messangerbólkur til foreldrini.

Flokskonto: Mann upprættar sjálvur eina konto til barnið.

Góðu tit, royni og haldi aftur við telefonunum sum longst. Tit kunnu altíð fáa fatur á okkum báðum 256146 og 212980.

Nøkur praktisk ting:

• Saksur og límstift í taskuni. Set navn á.
• Tjúkkur blýantur at skriva við.
• Træ litblýantar í arbeiðsbókunum. Mann kann brúka tusj í teknibókum.
• Góður matpakki. Vit drekka vatn ella mjólk.
• Sigið frá, um barnið ikki kemur í skúla.
• Sigið frá, um barnið skal aðrastaðni enn í frítíðarskúla. Skrivið sms til tann læraran, sum hevur barnið tann síðsta tíman.
• Hyggið inn á heimasetningin hvønn dag. Heimasetningurin eru komin í síðsta lagi kl. 15.
• Samband: Rógvi Nielsen t.l.f. 256146 og Joan Jacobsen t.l.f. 212980. Tit eru altíð vælkomin at ringja, um tit ivast í onkrum.