Vit hava gjørt bólkar og sett ábyrgdarar til hvønn bólkin, men sjálvandi hjálpast øll at bæði foreldur og næmingar. Hvør næmingur byrjar við 100kr. og ábyrgdari í bólkinum setir seg í samband við okkum viðvíkjandi pengunum. 

Vit fara at byrja við einum felags tiltaki, ið verður ein kafé. Ætlanin er, at hvør bólkur kemur við onkrum at selja, tað kann t.d vera smákøkur, vafflur, skuffukaku, rabarbur, súltutoy, eplir. Bert hugflogið setur mørk. Vit hugsa at børnini frítt sleppa at bjóða teimum tey ynskja koma at keypa, bæði foreldrum, ommum og abbum o.ø. 

Rokning

So riggaði heimasetningurin aftur:) Næmingarnir hava fingið nýggja roknibók, javnbók 3b. Tey hava eisini fingið brúkara og kodu til heimasíðuna www.emat.dk , har tey fara at rokna uppgávusett aðruhvørja viku. Tann fyrsta liggur klár og skal gerast áðrenn mikudagin. Tað er týdningarmikið at tey lata inn til tíðina! Aðruhvørja viku skulu tey gera eina skrivliga innlating. Uppgávan er ikki torfør, men fokus verður meira lagt á at skriva roknistykkini pent og rætt upp, eitt tal í hvønn punt, eittarar og tíggjarar undir hvørjum øðrum og at læra at brúka linjál. Hetta hava tey roynt í skúlanum, so tey kenna mannagongdina. Tey hava eisini rokna sítt fyrst uppgávusett inni á emat.dk. Tit eru vælkomin at skriva til mín, um okkurt er, sum tit ivast í.

Vh Jannet