Vestan fyri Mykines

Hesa vikuna hava allir 1. flokkarnir arbeitt við sanginum Vestan fyri Mykines. Tey hava prátað nógv um súluna, og m.a. lært, at ungin eitur Ompil, og at tá súlan kavar, kann ferðin gerast heili 100 km/t.

Fleiri valdu eisini at arbeiða við onkrum at vísa fram til felags morgunsangin.

Vit í 1.a valdu at gera ein lítlan “sjónleik” av søgugongdini í sanginum. Tey hava sjálvi litað figurarnar, og hjálpt til at klippa og líma. Summi sluppu síðani at framføra, meðan hini sungu væl við. Tað eydnaðist so væl, og tey kunnu saktans vera errin av sær sjálvum.

Gott vikuskifti og góða heystferiu

Vh Randi

Útiskúli við Løkin 18. sept.

Fríggjadagin gingu vit í 1.a allan vegin út til Løkin, har vit vitjaðu bókasavnið. Men á túrinum upplivdu vit nógv annað eisini. Vit taldu steinar hjá slanguni Steingrím, sum vit fara at pynta fleiri steinar til seinni í ár. Eisini hugnaðu vit okkum á spæliplássinum uttanfyri skúlan, og ikki minst, so heilsaðu vit uppá Klæmint og Dánjal, og teir vóru so fittir at skriva okkum autografar. Sum tøkk fyri autografar, so hjálptu vit Klæminti at fylla bilin við ruski, og hann var glaður og takksamur fyri hjálpina, og segði vit vóru soooo røsk! Ein deiligur fríggjadagur.

Útiskúli í Lamba 4. septembur.

1.a hevði ein deiligan dag í Lamba fríggjadagin. Vit heilsaðu og vinkaðu til alarar, leitaðu eftir gulli frá Norsku Løvu, ótu matpakka og spældu spøl.